ایک منٹ تک کی گفتگو ریکارڈ کرنیوالی انوکھی بریسلٹ تیار

گزرا ہوا وقت تو واپس نہیں آ سکتا تاہم کہے گئے الفاظ دوبارہ ضرور سنے جا سکتے ہیں،امریکہ میں ایک ایسی بریسلٹ تیار کر لی گئی ہے
نیو یارک(دنیا نیوز) جو ایک منٹ تک کی باتیں ریکارڈ کرنے کی صلاحیت رکھتی ہے، کیچر نامی اس ڈیوائس کو دو امریکی نوجوانوں مائیک اور میتھیونے تیار کیا ہے جنکاکہنا ہے کہ بظاہر عام سی نظر آنیوالی یہ بریسلٹ محض انگلی کی جنبش سے باتوں کو ریکارڈ کرنا شروع کر دیتی ہے اور اس میں ایک منٹ تک ریکارڈنگ کرنے کی صلاحیت موجود ہے ، اس بریسلٹ کو پہننے والا کسی بھی شخص کی باتیں ریکارڈ کر سکتا ہے جسے بعد میں موبائل فونز سے اسے بھیج کر حیران بھی کیا جا سکتا ہے جبکہ یہ بریسلٹ یادوں کو محفوظ بنانے کا بھی ایک ذریعہ ثابت ہو سکتی ہے ، اس بریسلٹ کو اگلے برس تک مارکیٹ میں متعارف کرا دیا جائیگا اور اسکی قیمت ممکنہ طور پر 75ڈالر تک ہو گی۔